" />

Un operario perde a vida nun accidente nunha canteira na Fonsagrada

O operario quedou debaixo da masa de pedras que, ao desprenderse, provocou tamén a caída sobre o lugar onde se atopaba o home dunha cinta transportadora.

Ata o lugar dos feitos, en Vilarín de Riba, acudiron os Bombeiros de Sarria que, nestes momentos, tratan de liberar por completo ao operario. Trátase dun complicado rescate debido á gran cantidade de terra que teñen que mover. Pola súa banda, os servizos sanitarios confirmaron o falecemento do home.

Tamén se desprazaron á canteira os axentes da Garda Civil e os voluntarios de Protección Civil da Fonsagrada, tras ser alertados polo 112 Galicia, que recibiu a alerta do accidente laboral a través dunha persoa particular ás 12:30 horas.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo