Música, proxeccións e arte confluirán dende mañá en Lugo coa mellor gastronomía vexetariana en Vexetarian nunha novidosa proposta hostaleira que abre as súas portas mañá, día 3 de xullo, na cidade das murallas.
Baixo os teitos de Caldiae Factoría Cultural (praza Viana do Castelo, 4), e co chef Javier Prieto nos fogóns, Vexetarian propón unha experiencia completa de xoves a domingo no que as viandas, coa maridaxe perfecta grazas aos mellores caldos galegos, se presentará acompañada de concertos en acústico ou proxeccións nunha gran pantalla de cinema.
Quen o desexe poderá gozar da mellor gastronomía galega vexetariana de xoves a sábado en horario de xantar e cea e os domingos para xantar. As reservas poderanse facer nos teléfonos 641980373 e 982813780.
