" />

Xuventude pon en marcha preto dunha trintena de actividades gratuítas para a mocidade

O concelleiro de Xuventude e Deportes, Mauricio Repetto, presentou este mércores a programación de actividades que o Goberno de Lara Méndez porá en marcha para os meses de setembro a decembro destinada á mocidade lucense. En total, serán preto dunha trintena de obradoiros, masterclass, rutas e recursos aos que poderá acceder a xuventude do municipio de forma totalmente gratuíta.

Neste senso, Repetto explicou que se trata dunha programación “ampla e variada, para todos os gustos, e a través da que buscamos promover a actividade física e a formación en novas tecnoloxías entre os máis novos, así como fomentar hábitos de vida saudables e inculcar aos mozos e mozas valores como a tolerancia, a inclusión e a igualdade”.

Un concerto do MC Escandaloso Xpósito abrirá o programa de actividades este venres, 10 de setembro, a partir das 19:30 horas na Casa da Xuventude, seguindo todas as medidas de seguridade establecidas con motivo do protocolo Covid-19. “Hugo é un dos grandes rapeiros do panorama nacional, recoñecido por participar nunha das bandas pioneiras da fusión entre o rap e o jazz en España, Kase O Jazz Magnetism, e estamos seguros de que esta cita será un gran éxito”, subliñou o concelleiro.

As inscricións para este concerto, así como para o resto de actividades deberán realizarse a través do enlace: https://formulario.xuventudelugo.gal/ Por outra banda, tamén se manterán as asesorías, tanto psicolóxica, como xurídica e de orientación laboral académica, así como o servizo de prevención de drogodependencias. Ademais, haberá rutas guiadas durante todos os meses.

Programación

  • Taller de Ioga: dende o 6 de Outubro ata o 15 de Decembro
  • Taller de zumba: dende o 4 de Outubro ata o 13 de Decembro
  • Taller de baile contemporáneo: Dende o 6 de Outubro ata o 15 de Decembro
  • Taller de producción musical ABLETON-LIVE: 8,15,22,29 de Outubro e 5 de Novembro
  • Iniciación a batería: 18,19,25 de Outubro e 8,9,15,22,29 de Novembro
  • Taller de construcción de secuenciadores: 12,13,19,20 e 26 de Novembro
  • Mantemento de bicicletas 1: 23 de Outubro
  • Mantemento de bicicletas 2: 20 de Novembro
  • Tenis de mesa: Dende o 17 de Setembro
  • Memes sen gracia: memes contra a violencia: 22,23,24 de Novembro
  • Subir Historias: taller de experimentación con móbiles: 28 Outubro e 4,11 e 18 de Novembro
  • Escola de Maxia: Dende o 7 de Outubro ata o 25 de Novembro inclusive
  • Contar historias a través da fotografía: 16 de Outubro
  • Scape Room “XCAPATE. A Casa da Xuventude encantada”: 28,29,30 e 31 de Outubro
  • Show Cooking samain. POSTRES TERRORIFICOS: 28 Outubro
  • Catas sensoriales: 19 de Outubro 15 Outubro
  • Ruta nos viñedos da Ribeira Sacra: 15 Outubro
  • Taller experimental de deseño de roupa e moda circular: Dende o 28 de Setembro ata o 30 de Novembro
  • Masterclass de Nutrición: 19 de Outubro, 23 de Novembro e 14 de Decembro
  • “Coñece a escalada”: 23 de Decembro
  • Defensa personal:  Dende o 18 Outubro ata o 18 de Decembro
  • Parkour (Grupo iniciación): 16 de Outubro
  • Parkour (Grupo intermedio): 16 de Outubro
  • Danzas urbanas: tódolos sábados dende Setembro

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo