Os Bombeiros de Lugo rescataron esta tarde a catro persoas que quedaron atrapadas nos seus vehículos tras unha colisión entre dous turismos. O accidente produciuse ás 15:30 hora de hoxe na N-VI, ao paso pola cidade de Lugo.
Os dous turismos bateron de fronte e catro persoas, unha nun vehículo e tres noutro, quedaron atrapadas no interior. Os bombeiros liberaron aos feridos e posteriormente foron trasladados ao hospital de referencia. Dúas das persoas resultaron feridas de gravidade.
Unha persoa particular chamou ao 112 Galicia para informar do suceso e, a partir de aí, o persoal do Centro de Atención ás Emerxencias avisou aos axentes da Garda Civil de Tráfico e aos servizos sanitarios de urxencia.
