" />

Cs insta ao Goberno local a definir unha estratexia coherente para promover o turismo

A voceira municipal de Cs, Olga Louzao, instou esta mañá ao Goberno local a elaborar unha estratexia coherente para promover o turismo no municipio. “O gran potencial turístico da nosa cidade debe ser aproveitado. As políticas de promoción turística non se poden soster na improvisación e en accións inconexas que non responden a un obxectivo claro e definido. O goberno bipartito non pode esconder as súas carencias nesta materia no incremento que experimentou o número de visitas nos últimos anos. Debemos suscitar un modelo turístico que consolide a Lugo como un destino de referencia dentro de Galicia aproveitando esta inercia positiva”, sinalou a concelleira da formación laranxa.

Neste sentido, Louzao aposta por impulsar de forma real o Consello Municipal de Turismo como órgano consultivo onde estaría representado o sector co obxectivo de definir as estratexias municipais neste ámbito e escoitar aos profesionais que día a día están en contacto coa realidade da nosa cidade. Deste xeito, explica Cs, daríase protagonismo á sociedade civil a través da Universidade de Santiago, os hosteleiros, restauradores, empresas de servizos complementarios e asociacións vinculadas ao patrimonio e ao Camiño de Santiago. Entre as súas funcións están as de analizar estudos ou estatísticas e asesorar en cuestións vinculadas ao turismo co obxectivo de deseñar liñas de actuación que permitan fortalecer a posición de Lugo como destino turístico.

“A constitución deste órgano é unha proposta de Cs que foi referendada polo pleno en marzo de 2016. Con todo, case 4 anos despois, o goberno de Lara Méndez continúa incumprindo o seu compromiso nunha clara aposta pola improvisación como aceno de identidade deste goberno”, sinalou Louzao. De feito, detalla Olga Louzao, a alcaldesa incumpre “as súas propias promesas” e a lexislación do Consello Municipal de Turismo elaborado polo Goberno municipal, que foi publicado no Boletín Oficial da Provincia o 21 de decembro de 2016 e no que se fixaba unha periodicidade semestral para as reunións deste órgano, quedando establecidas nos meses de abril e de outubro como datas de referencia.

Louzao considera que a representación do Concello de Lugo na última feira de Fitur non estivo á altura do que necesita o sector na nosa cidade. “O labor desta comitiva non respondía a uns obxectivos claros e definidos abalados polo sector. Limitouse a sacarse a foto e a comparecer cunha promoción testimonial. Descoñecemos a conto ascenden os gastos desta viaxe, que xestións formais fixéronse, si é que se levou a cabo algunha. Ademais non entendemos porque o asociacionismo non esta representado e as poucas invitacións que se realizaron repartíronse de forma discrecional. Todas estas demandas serán plantexadas formalmente ao Goberno bipartito”, concluíu.

Novas relacionadas

  1. Avatar
    Carlos Fernandez Peleteiro
    Feb 11, 2020 - 03:04 PM

    Olga, a proposta non é boa e boisima. Pero hata a fecha nunca nada ou pouco se fixo. Aver si a túa proposta sae para adiante polo ben de Lugo. Co que temos para amosar lle o mundo………

    Reply
  2. Avatar
    Luis Díaz
    Feb 11, 2020 - 01:45 PM

    Pero a esta xente aparte da ocupación que teñen pa ver cómo voltar a sua casa política da que fuxiron , ainda lles queda tempo pa decirlles os demais qué facer ?

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo