Sobre as 2:15 horas do día 11 de abril unha patrulla do Grupo Operativo Nocturno da Policía Local de Lugo, de servizo na rúa Mariña Española, detectou un ciclomotor ocupado por dúas persoas, os axentes procederon a comprobar a través das bases de datos policiais e detectan que carece de Seguro Obrigatorio e de Inspección Técnica de Vehículos.
Por tal motivo proceden a darlle o “alto”, facendo caso omiso o condutor, acelerando bruscamente para evitar a acción policial, sendo perseguido polas rúas Mariña Española, Armórica, Rolda Fingoi e ao chegar a Estrada da Granxa perde o control do vehículo impactando contra unha barreira quita medos,o que fixo que os ocupantes caeran ao chan.
Momentos despois foron identificados, comprobando que o condutor carecía de permiso de condución, requirindo a presenza dunha ambulancia do 061, sendo atendidos no lugar da detención, xa que presentaban feridas leves.
A acompañante do condutor no ciclomotor manifestou que cando se deu á fuga pediulle varias veces que se detivese, facendo caso omiso, temendo pola súa vida no traxecto.
Asemade declarou aos axentes que o condutor a agredira en varias ocasións, xa que é moi celoso e quería iniciar unha relación sentimental con ela pero ela non quería e que hai uns días propinoulle unha puñada e que continuamente a estaba a ameazarameaza dicíndolle que “tes que ser miña e de ninguén máis”.
O condutor, de 41 anos, confirmou aos axentes que si agredira á moza, procedendo á súa detención, sendo trasladado a dependencias policiais onde se instrúen dilixencias por un delito de malos tratos, outro delito de condución temeraria e outro contra a seguridade viaria ao conducir sen autorización administrativa.
