Formoso urxe á Xunta que autorice os eólicos para a subministración de enerxía a Alcoa

O secretario xeral do PSdeG-PSOE, Valentín González Formoso, visitou este mércores o concello lucense de Trabada para manter unha xuntanza cos alcaldes e alcaldesas da comarca da Mariña, así como cos portavoces locais dos partido, e explicar o seu proxecto para reactivar o tecido industrial e garantir a emprego na zona.

Nun encontro celebrado no Museo Etnográfico Xosé Rocha de Trabada, o número un dos socialistas galegos debullou a súa aposta pola pecontinuidade dos complexos industrias que considera estratéxicos para a economía de Galicia, como é o caso de Alcoa, na que a súa viabilidade pasa, dixo, por asegurar o subministro de enerxía renovable a prezos competitivos.

“Temos unha proposta para desenvolver novos parques eólicos”, sinalou Formoso, “e queremos facelo, ademais, dun xeito ordenado, con control, respectando os dereitos dos propietarios dos terreos e respectando tamén os espazos naturais sensibles e as zonas de aproveitamento agrícola e gandeiro”.

Insistiu o dirixente socialista en pedirlle ao goberno galego, en liña coa proposta que lle fixo ao presidente Alfonso Rueda na entrevista que mantiveron o pasado luns, que “autorice dunha vez a construción dos novos parques eólicos que son indispensables para blindar o futuro de Alcoa”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com