Inaguración no MIHL da exposición Nosotros do arquitecto Carlos Montero

O Museo Interactivo da Historia de Lugo acolle esta tarde as oito, a inauguración da exposición Nosotros, do arquitecto e pintor lucense Carlos Montero, e que recolle as súas mellores obras, do que se ten definido como realismo fantástico e expresionismo.

A súa obra pictórica céntrase moi fundamentalmente na xente, nas persoas en grupo, cunha visión fortemente humorística, ás veces agre e ás veces doce, e cunha robustez que pode dicirse expresionista, capaz de implicarnos e abalarnos coas escenas nas que as persoas se relacionan de moitas maneiras, que van dende o ridículo, ata a emoción máis conmovedora.

Os cadros de Carlos Montero teñen unha certa propiedade hipnótica, que captura a atención e nos obriga a mirar figura a figura, detalle a detalle, procurando todos os compoñentes e todas as relacións, entre os personaxes e as cousas.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com