O delegado territorial da Xunta en Lugo, José Manuel Balseiro, participou hoxe na inauguración do Museo Vivo e Integrado do Campo e da Locomoción Agraria (MUVICLA), que puxo en marcha en Trasliste (Láncara) Marcos Vázquez Marey, presidente do Colexio de Enxeñeiros Agrícolas de Lugo.
Balseiro gabou a singularidade desta iniciativa, que recupera “aspectos da nosa historia recente e axuda a entender o cambio que supuxo a introdución de maquinaria nos traballos agrícolas”. O delegado destacou que é o primeiro museo de Galicia destas características, “integrado nunha explotación en activo e con todas as máquinas en perfecto estado de uso”.
