Lugo acollerá este mércores a asemblea xeral do Eixo Atlántico

O Eixo Atlántico do Noroeste Peninsular celebrará a súa asemblea xeral o vindeiro mércores, 15 de febreiro, no Museo Interactivo da Historia de Lugo. A asemblea estará presidida polo Alcalde de Viana do Castelo, José Mª Costa, e contará coa participación do presidente do Eixo Atlántico, Ricardo Río, o vicepresidente, Alfredo García; e o secretario xeral do Eixo, Xoán Vázquez Mao, así como representantes das 38 cidades e entidades que integran o Eixo.

Esta asemblea terá lugar coincidindo co 25 aniversario da creación do Eixo Atlántico, motivo polo cal tamén está prevista a inauguración dunha exposición conmemorativa na Praza Maior de Lugo. Trátase dunha instalación composta por 36 lonas articuladas en forma de cubos onde se fai un percorrido pola historia do Eixo e os seus grandes fitos de cooperación transfronteiriza e vertebración do sistema urbano.

A asemblea dará comezo ás 10:30 horas coa benvida da Alcaldesa de Lugo, Lara Méndez, quen fará de anfitrioa. Posteriormente, a orde do día continuará coa aprobación do balance de xestión, do informe económico, así como do programa ou o orzamento para este ano 2017, entre outros asuntos. Sobre as 13:30 horas está prevista a clausura da asemblea, coa asistencia do secretario de Estado de Infraestruturas, Julio Gómez Pomar.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo