A Asociación Lugo Monumental preparou un informe coas principais propostas e ideas, que durante os últimos anos foi debullando, para ofrecer as devanditas ideas a todas e cada unha das formacións que estean interesadas nelas.
A idea deste documento é ofrecer a mesma información a todos os grupos que estean interesados nela, tanto partidos políticos coma agrupacións cidadás, plataformas ou calquera outro formato que presente un programa electoral ás eleccións municipais de maio.
No documento recóllense diferentes propostas, dende as relacionadas con ordenanzas municipais, custos de terrazas, ocupación de vía pública para comercios, tráfico, promoción da cidade e a Muralla, recuperación de servizos para o casco histórico, seguridade, ou a creación dun centro educativo no Cuartel de San Fernando.
