Manuel Núñez di que Cidadáns descoñece as competencias do Concello nos colexios

O Concelleiro de Educación e Infraestruturas Urbanas, Manuel Núñez, mostrouse sorprendido ante as declaracións do concelleiro de Cidadáns no referente á inversión realizada polo Concello nos colexios públicos da cidade. Neste senso, o edil lamentou que “Jesús Expósito, representante da entidade local en dous consellos escolares, non saiba diferenciar as competencias da Xunta e do Concello en materia de Educación”.

As obras que requiren proxectos técnicos nos colexios son competencia da Xunta e non dos concellos, como por exemplo sucede coa cubrición cunha pasarela cuberta no CEIP da Ponte á que se refire Cidadáns. Mentres que o Concello encárgase de realizar melloras  nas instalacións e do mantemento dos propios centros.

“Ademais Cidadáns descoñece a cantidade real que investiu nos colexios o organismo ao que representa”, tal e como sinalou Manuel Núñez, quen explicou que “non foron 100.000 euros como di o representante do grupo laranxa, senón que dende o Concello investimos un total de 223.500 euros en realizar mellor nos centros escolares e coas que lles damos resposta ás peticións realizadas polos equipos directivos”

A entidade local investiu no verán preto de 100.000 euros na mellora das instalacións dos colexios e das escolas infantís. Ademais, destinou 37.500 euros en reparacións varias ao longo do ano e “a maiores dos centos de traballos de mantemento realizados polos propios servizos municipais, algo que debería de saber Jesús Expósito como funcionario municipal en excedencia”, remarcou Manuel Núñez.

A maiores, a través do Plan Mellora Lugo, segundo Núñez, o Concello tamén investirá 86.0000 euros en arranxos nos centros educativos. Este plan comezará o 1 de febreiro cunha duración dun ano e posibilitará a inserción laboral de catro persoas desempregadas.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com