" />

O Concello abre o prazo para solicitar o uso dos locais das casas Clara Campoamor e María Mariño

A Concelleira de Benestar Social, Igualdade e Inclusión, Ana González Abelleira, informou esta mañá de que o Concello ven de abrir o prazo de solicitude para a autorización do uso en precario dos locais e instalacións das dúas casas das asociacións de interese social da entidade local, Clara Campoamor e María Mariño, tras a publicación de ditas bases no Boletín Oficial da Provincia.

A edil explicou que o goberno municipal cederá un local por entidade, por unha duración dun ano, prorrogable ata un máximo de tres, “onde os colectivos poden desenvolver os seus programas e actividades”. As solicitudes poderán presentarse ata o 7 de abril no Rexistro Xeral do Concello e soamente admitirán unha solicitude por entidade.

A Casa Clara Campoamor, situada na Avenida Infanta Elena, conta con 7 locais, un ximnasio e unha sala biblioteca e a María Mariño, sita na rúa Monte Faro, ten 13 locais, un salón de actos, unha sala polivalente e unha sala de recepción.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo