O Concello aumentará os efectivos da Policía local para vixiar o botellón esta fin de semana

O Concello de Lugo reforzará nas noites da vindeira fin de semana con máis efectivos da Policía Local, a maiores dos servizos habituais, a presenza policial no casco histórico para garantir a convivencia cidadá. Deste xeito, a entidade local realiza un maior control nesta zona da cidade debido ao pasado botellón, ademais de protexer o patrimonio, entre o que destacan tres Patrimonios Mundiais, como son a Muralla, a Catedral e o Camiño Primitivo.

A maiores, con esta acción, o Concello pretende dar unha resposta máis rápida e efectiva ante posibles incidentes, ao tempo que se evitan os mesmos polo efecto disuasorio da presenza dos axentes.

Ademais, este asunto abordarase na próxima reunión da Xunta Local de Seguridade, na que se solicitará unha maior presenza dos axentes da Policía Nacional, que están encargados de velar pola seguridade cidadá.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com