O condutor dun vehículo resultou ferido nunha saída de vía en Carballedo

O accidente tivo lugar sobre as 11:45 horas deste xoves. Foi a esa hora cando o mesmo persoal sanitario comunicaba ao 112 Galicia da saída do helicóptero medicalizado con base en Ourense para Carballedo, para evacuar a unha persoa que resultara ferida despois de saírse da vía. A causa do accidente puido ser unha indisposición ao volante pola que o condutor se saíra da vía cando circulaba á altura de Castro, no concello de Carballedo.

Ademais dos servizos sanitarios tamén acudiron os axentes de Tráfico e os efectivos da Agrupación de Voluntarios de Protección Civil da localidade. Así mesmo, os xestores do 112 puxeron os feitos en coñecemento dos Bombeiros de Chantada.

O persoal do Servizo de Urxencias Sanitarias de Galicia-061 confirmou ao 112 Galicia a evacuación do condutor ferido ao centro hospitalario de referencia.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com