O PP denuncia que o BNG contratou “a dedo” o 92% das actuacións na rúa dos programas de verán de Lugo

O vicevoceiro popular denuncia que o BNG adxudicou “a dedo 27 actuacións teatrais, musicais, recitai enmarcadas dentro das actividades que se desenvolveron entre os meses de xuño a setembro nos programas “O que queda de verán”, “Tarde, Tardiña”, “Reencontros musicais” e “Facela”
Antonio Ameijide explicou que “os nacionalistas incumpriron o Código de boas prácticas do Concello no que se sinala que se deberán pedir tres ofertas para os contratos menores co ánimo de evitar abusos como os que se están a dar no departamento de cultura”. O popular matizou que semella que para o BNG “parece importarlle máis a afinidade política que a calidade do grupo”.
O vicevoceiro popular explicou que “nas propostas de gastos analizadas de todo este paquete de actuacións veraniegas tan só en unha, das
vintesete, se pediron tres ofertas e “curiosamente foi para o deseño e impresión da cartelería de “O que queda do verán” o resto das
contratacións fixéronse elixindo a dedo”.
Ameijide manifestou “como curiosamente seguen figurando como unha das grandes beneficiarias da axenda cultural lucense Urdime Sociedade Cooperativa Galega, cuxa responsable foi número 2 do BNG no concello de Cerceda”.
O popular recriminou que “Lugo sega tendo déficit importante de transparencia e que estas prácticas opacas deberían ser algo excepcional”. “Creo que a alcaldesa de Lugo debería tomar cartas no asunto porque xa se está convertindo nun tic habitual aplicar as tácticas
do caciquismo moderno nas contratacións”, resumiu Ameijide.