Nunha nota emitida esta mañá, o PP de Lugo comunicaba que, “nos últimos meses foron moitos os lucenses que se puxeron en contacto cos concelleiros do PP para queixarse polas dimensións dalgúns dos pasos de peóns elevados de Lugo e para preguntar se as medidas dos mesmos estaban dentro dos límites legais marcados. Tantas foron as queixas, que dende o PP encargouse a un estude de enxeñería que se comprobase se as medidas destes elementos estaban dentro dos límites establecidos. Tanto os pasos de peóns elevados como os redutores de velocidade coñecidos como “lombos de asno réxense por unha normativa estatal pero que non é de obriga cumprimento para as cidades. A pesar de que non hai que cumprir con esas medidas, sería axeitado adaptarse ás recomendacións xa que teñen o mesmo efecto disuasorio sendo menos agresivos”, destacan.
Os resultados deste estudo amosaron que os pasos de peóns avaliados superan a altura máxima recomendada hasta nun 80%. É dicir, os pasos de peóns elevados teñen que ter unha altura máxima de 10 centímetros e os cinco avaliados teñen unha altura de ata 18 centímetros. “Superan a altura máxima hasta nun 80% o que provoca serias dificultades para superalos, chegando nalgún caso a rozar na parte baixa dos coches”, apuntan.
Os lombos de asno teñen, destacou Ameijide,“unha problemática semellante, pero con diferenzas de altura que superan o límite máximo, nalgún caso, nun 135%. A altura máxima para estes elementos é de 6 centímetros e detectáronse algúns de ata 14 centímetros de altura”.
Malia esta denuncia o voceiro popular subliñou que “os concelleiros populares destacan que están a favor da colocación destes elementos redutores da velocidade en Lugo, xa que axudan a mellorar a seguridade de peóns e de condutores.
Elementos avaliados
Pasos de peóns:
Avenida de Ramón Ferreiro, Rúa Angelo Colocci (marxe dereita), Rúa Angelo Colocci (marxe esquerda), Avenida Paulo Fabio Máximo (marxe dereita), Avenida Paulo Fabio Máximo (marxe esquerda)
Lombos de asno
Avenida de Magoi (marxe esquerda), Avenida de Magoi (marxe dereita), Rúa Santo Graal (á altura do número 20), Rúa Santo Graal (á altura do número 32), Rúa Santo Graal (á altura do número 68).
