" />

O PP insta á Deputación a dotar de aseos, duchas e vestiarios ao anexo do Pazo dos Deportes

O fomento do deporte de base debe ser tarefa fundamental para as institucións, sinaladamente para aquelas que están máis próximas ao cidadán. Así o considerou esta mañá o deputado provincial popular, Oscar Poy, quen sinalou que fomentar o deporte dende a infancia “esixe dispoñer de instalacións coas infraestruturas necesarias”.

Neste senso, Poy explica que a Deputación “precisa traballar máis e con maior eficicencia en moitos aspectos da atención a esta parte da xestión”. Un dos aspectos aos que fai referencia o popular ten que ver coas condicións do pavillón anexo ao Pazo dos Deportes, “cuxas carencias é preciso solucionar canto antes, tal como reclaman moitos pais dos nenos que adestran nestas instalacións”.

Poy explica: “O pavillón anexo ao Pazo do Deportes carece de aseos, duchas e vestiarios. Esta falta de servizos e ben coñecida polos xoves usuarios destas instalacións e tamén polos seus país, pero, cando se comenta con outros lucenses, alleos ao uso do pavillón, quedan tremendamente sorprendidos de que, a estas alturas do século XXI, se dea un caso así na capital da provincia”.

O mesmo deputado popular manifesta: “Os rapaces que adestran e compiten neste pavillón teñen que ducharse e cambiarse no propio Pazo dos Deportes, é dicir, noutro edificio; debido a elo, son moitos os que optan por marchar sen ducharse. Chegou o momento de poñer remedio a esta situación. Ao goberno provincial, e sinaladamente ao delegado de Deportes, Efrén Castro (BNG), tócalle buscar a maneira de resolver o problema; é unha cuestión que, de ser un xestor competente, xa tería solucionada”.

Os populares supoñen que, pasada a metade do mandato, “o señor Castro algo terá pensando para dotar de duchas e vestiarios ao pavillón anexo ao Pazo dos Deportes”, e confían en que na próxima sesión plenaria explique que fixo e que está a facer para resolver as deficiencias sinaladas. Lembran que, nalgunha ocasión, Castro apuntou que para facer as construcións precisas sería necesario modificar as condicións urbanísticas. De ser así, esperan que teña falado co goberno municipal, das mesmas cores política que o provincial, e teñan encamiñada xa a solución do problema.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo