O PSOE pidelle a Balseiro que reclame as obras pendentes da Xunta

A Secretaria Provincial Socialista e Deputada Autonómica, Patricia Otero demandoulle ao Delegado da Xunta na provincia de Lugo ·que reclame ao Presidente Feijoo as obras pendentes na provincia·. Así o dixo tralas criticas deste responsable provincial sobre a vista do líder do PSdeG-PSOE, Gonzalo Caballero.

A Secretaria Provincial Socialista dixo “que Balseiro en vez de adicarse dende o seu cargo institucional a atacar politicamente ao Presidente, Pedro Sánchez e a Gonzalo Caballero, pode aproveitalo para demandarlle a Feijoo que cumpra coas obras pendentes na provincia, como por exemplo a variante de Viveiro ou o desdobramento do corredor de Sarria, por citar algún exemplo”, espetou.

Otero insistiu nas súas criticas “que non se preocupe o Señor Balseiro, xa que cando Gonzalo Caballero sexa o vindeiro Presidente da Xunta traerá as mans cheas de realidades e compromisos para todos os lucenses”, resumiu.

Compromiso coa provincia

E ademais lembrou que “cando os socialistas gobernamos esta provincia sae gañando. Hoxe por exemplo aprobouse no Consello de Ministros as autorizacións da licitación da liña Ourense-Monforte, isto é o verdadeiro compromiso que hai que ter coa provincia de Lugo e non a palabrareria á que xa nos ten acostumados o Delegado da Xunta”, remarcou Otero.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo