A exposición itinerante Os nove anos de Fraguas en Lugo, do Colectivo Egeria, chegará o luns día 16 de decembro ao IES Río Miño de Rábade (Lugo). Será inaugurada nun acto que terá lugar ás 11:30 horas, e que contará coa presenza de membros do equipo directivo do centro e de Xulio Xiz, presidente do Colectivo Egeria. A exposición estará no centro ata o 20 de novembro.
O proxecto FRAGUAS EN LUGO está composto polo libro “Os nove anos de Fraguas en Lugo”, que recolle textos dos promotores desta iniciativa, e doutros amigos e antigos alumnos de Antonio Fraguas, sobre os nove anos que este pasou en Lugo, e da profunda pegada que deixou na cidade e na sociedade lucense; unha exposición itinerante, composta por doce paneis, nos que se resumen os contidos do libro, e que está a percorrer toda Galicia; e a web fraguasenlugo.org, que recolle todas os contidos
da publicación en papel.