Os populares esíxenlle ao Secretario Xeral dos Socialistas explicacións polas residencias

O PP de Lugo esíxelle ao Secretario xeral dos Socialistas lucenses, Álvaro Santos, dar explicacións aos veciños e veciñas de Castroverde, Trabada e Pol por non ter abertas as residencias de maiores nestes municipios.

Os populares recordan que as residencias de maiores e centros de día destes tres municipios xa contan con tódolos permisos para abrir as súas portas e comezar a ofrecer os seus servizos. De feito, a Xunta autorizou o pasado mes de xaneiro o inicio de actividade en  Castroverde, en marzo o de Trabada, e en abril a de Pol.

Nese sentido, dende o Grupo Popular recordan que “non somos nós os que estamos a impedir que as residencias entren en funcionamento. A súa apertura é responsabilidade do Goberno provincial”

Os populares insisten aos socialistas que expliquen porqué continúan pechados os centros que eles mesmos inauguraron en marzo do 2015. Polo que, defenden que o Goberno provincial “debe pedir desculpas aos veciños e veciñas de Castroverde e A Fonsagrada por esas inauguracións ficticias”.

 

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com