Co obxectivo de dar resposta a unha forte e vella demanda dos veciños e veciñas tanto da cidade como da provincia, o Concello de Lugo acometerá nos vindeiros días o repintado do aparcadoiro nas inmediacións do Hospital Universitario Lucus Agusti (HULA), medida coa que quedarán habilitadas en total 500 prazas gratuítas. O aparcamento do centro hospitalario deixará de ser lineal e pasará a ser diagonal, quedando dous carrís amplos de circulación en vez de catro, gañando desta forma 150 novas prazas.
Con esta medida de reordenación do tráfico, que axudará á mobilidade, a entidade local investirá 17.000 euros.
Por outra banda, a entidade local está a acondicionar a parcela de titularidade municipal, en fronte ao hospital, para crear outras 330 prazas de aparcamento. Dito proxecto acometerase en varias fases. No pasado mes, o Concello desbrozou a zona para proceder ao movemento de terras e explanar o terreo. Neste caso tomaranse as medidas necesarias para protexer a mámoa achada na finca segundo as disposicións de Patrimonio.
