Renfe habilitará un servizo alternativo de transporte por estrada entre o 22 e o 26 de abril de 2026 debido a obras de mellora que Adif realizará na liña ferroviaria entre Monforte de Lemos e Lugo, incompatibles coa circulación de trens.
Estas actuacións afectarán aos servizos de Media Distancia entre Ourense, Monforte, Lugo e A Coruña, así como ao tren Alvia entre Lugo e Madrid, en ambos sentidos.
Para garantir a mobilidade, establecerase un plan alternativo por estrada que cubrirá os 40 servizos afectados durante eses días.
Entre os cambios principais:
- Haberá transbordos por estrada en distintos tramos (entre Rábade, Monforte de Lemos e Ourense).
- Varios trens de Media Distancia verán modificados os seus percorridos, combinando viaxe en tren e autobús.
Servizos de Media Distancia– MD 12644 A coruña (7:05h) – Ourense (10:49h)
Transbordo por estrada entre Rábade e Ourense
– MD12641 Monforte de Lemos (7:30h) – A Coruña (10:13h)
Transbordo por estrada entre Monforte de Lemos e Rábade
– MD 12642 A coruña (19:35h) – Monforte de Lemos (22:26h)
Transbordo por estrada entre Rábade e Monforte de Lemos
– MD12646 Ourense (19:50h) – A Coruña (23:31h)
Transbordo por estrada entre Ourense e Rábade
– MD 12694 Ourense (12:32h) – Lugo (14:12h)
