Un home que viaxaba nunha furgoneta resultou ferido de gravidade a pasada tarde en Sarria ao chocar contra un camión. Segundo indicou o 112 Galicia, os bombeiros da localidade utilizaron o material de excarceración para liberalo, tras quedar atrapado no interior do vehículo.
Segundo puido saber o 112 Galicia, debido á gravidade do accidente, Urxencias Sanitarias de Galicia-061 mobilizou un helicóptero medicalizado para atender ao ferido.
O sinistro produciuse no punto quilométrico 24 da CG-2.2, en sentido a Monforte, ao fío das 20:30 horas. Nese momento, varias persoas particulares contactaron co 112 Galicia para dar conta do accidente.
A partir de aí, desde o CIAE 112 Galicia pasouse o aviso aos servizos sanitarios, aos Bombeiros de Sarria, á Garda Civil de Tráfico, á Policía Local, a Protección Civil e ao servizo de mantemento da estrada, que se encargou de limpar a estrada ao producirse unha pequena vertedura de combustible procedente do depósito do camión.
